2_9 ДАРАМТЛАХ, ДЭЭРЭЛХЭХ СЭЖИГТЭЙ ТОХИОЛДОЛД СУРГУУЛЬДАА ХЭРХЭН МЭДЭГДЭХ ТУХАЙ

ZŠ, SŠ

Дарамтлах, дээрэлхэх тухай ярихдаа тус явдлыг сургуулийн сурагчдын хооронд үүсдэг нийтлэг зөрчилдөөнтэй нөхцөл байдлаас ялгах нь чухал юм. Бүх хүүхдүүд үе үе муудалцаж, эвлэрдэг бөгөөд багш нь дэггүй сурагчид руу дуугаа өндөрсгөдөг билээ. Үүний эсрэгээр, дарамтлах, дээрэлхэх нь огт өөр үзэгдэл юм: энэ нь санаатай үйлдэл бөгөөд урьдчилан төлөвлөсөн үйлдэл нь тогтмол, урт хугацааны хүчирхийлэл (бие махбодийн болон үг хэллэг) бөгөөд энэ харилцаанд оролцогчид тэгш бус байр суурьтай байдаг – түрэмгийлэгч нь үргэлж давамгай эрх мэдэлтэй байдаг. Хүчирхийлэл нь бие махьбодид хүрэх ба түлхэх, өшиглөх, цохих үйлдэлээс гадна биеэд ямар нэгэн толбо ба хөх няцгүй байж болох хэдий ч хэл амаар доромжлох ба сэтгэцэд нөлөөлөж мөн болдог байгаа. Доог тохуу, доромжлол, үл тоомсорлох, заналхийлэх – энэ бүхэн бол сэтгэлзүйн хүчирхийлэл юм.

Дарамтлан дээрэлхэх нь өөр оюутан эсвэл хэсэг оюутнуудад хор хөнөөл учруулах, заналхийлэх, айлган сүрдүүлэх зорилготой аливаа зан үйл юм. Энэ нь хувь хүний бие махбодийн болон сэтгэл зүйн халдлагын давтан үйлдэл юм. Мөн энэ нь янз бүрийн шалтгаанаар өөрийгөө хамгаалж чадахгүй байгаа хувь хүн эсвэл хэсэг сурагч нарын эсрэг бүлэг юм.

Дээрэлхэх шинж тэмдгүүд нь: хүүхэд найз нөхөдгүй болох, сургуульд сурах сонирхолгүй болох, хоолны дуршилгүй болох; гунигтай эсвэл ер бусын түрэмгий байх, аливаа зүйлийг сонирхох хүсэлгүй болох, хичээлийн дүн муудах гэх мэт байдаг.

ХЭРЭВ ТАНАЙ ХҮҮХЭД СУРГУУЛЬ ДЭЭРЭЭ ХЭН НЭГЭНД ДЭЭРЭЛХҮҮЛЭЖ БАЙНА ГЭЖ СЭЖИГЛЭЖ БАЙГАА БОЛ ДАРААХ ЖУРМЫГ ХЭРЭГЖҮҮЛЭЭРЭЙ:

1. Хүүхэдтэй ярилцаж, аль болох их мэдээлэл олж авах: хэн нэгэн түүнд ямар нэгэн ааш авир хэр давтамжтай үйлдэл гаргадаг тухай асуух. Хэдийгээр хүүхэд тодорхой зүйл ярихгүй байгаа ч зан төлөвийн өөрчлөлт орсон бол сургуультай холбоо барьж, ангийн багш руу захидал бичих хэрэгтэй.
!Нөхцөл байдлыг түрэмгийлэгч эсвэл түүний эцэг эхтэй ганцаараа шийдэж болохгүй.
2. Ангийн багштайгаа холбоо барих хэрэгтэй. Хүүхдийнхээ бэрхшээл, тодорхой тохиолдлуудыг тодорхойлсон имэйл бичиж, уулзалт товлох. Хэрэв та чех хэлэндээ тааруухан бол орчуулагч олж түүний туслалцааг авч ангийн багштай нь уулзах нь зүйтэй. Орчуулагчаар дамжуулан ойлгуулаж чадсанаар үүссэн нөхцөл байдал өөр түвшинд шийдэгдэх боломжтой байдаг. Тухайн хурлын тэмдэглэлийг бичгээр хийх нь зохистой бөгөөд үүний хуулбарыг авч болно.
★ЗӨВЛӨМЖ:
Таны хүүхдэд тулгарах асуудал ба түүнээс урьдчилан сэргийлэх зөвлөгөө авах арга зүйч ба сургуулийн боловсролын зөвлөхөөр хэн ажилладагыг олж мэдэх нь чухал юм. Олон сургуульд сургуулийн сэтгэл зүйч эсвэл бусад мэргэжилтнүүд байдаг.
3. Сургууль нөхцөл байдлыг судлах. Сургууль бүр дарамтлах, дээрэлхэх үйлдэлтэй тэмцэх төлөвлөгөөтэй байдаг. Долоо хоногийн дотор ямар нэгэн хариу мэдээлэл аваагүй бол ангийн багш руу бичэхийг зөвлөж байна.
4. Ангийн багш ямар нэгэн шийдэл санал болгохгүй эсвэл нөхцөл байдлыг үл тоомсорлож, хүүхдийн асуудал үргэлжилсээр байвал сургуулийн захиргаанд хандаж, уулзалт хийх тухай хүсэлтээ хүргүүлэх. Та емэйлдээ дээрэлхүүлэж буй сэжиг бүхий үйлдлийн тухайгаа тодорхой бичээрэй. Ангийн багш руу нь мөн хуулбар болгон емайлээ илгээнэ үү. Энэ үе шатанд сургууль нь сургуулийн урьдчилан сэргийлэх хөтөлбөрийн дагуу нөхцөл байдлыг судалж, шалгалтын явцын талаар танд мэдэгдэх үүрэгтэй.
5. Сургуулийн нөхцөл байдлыг шийдэж чадахгүй, хүүхдийн асуудал үргэлжилсээр байвал сургуулиа солих нь зөв. Хүүхдийн сэтгэцийн эрүүл мэнд хамгийн чухал.
6. Хэрэв сургууль нөхцөл байдлыг шийдвэрлэхээс татгалзаж, зохих ёсоор шийдвэрлээгүй бол та тухайн сургуулийг байгуулсан хотын боловсролын хэлтэс эсвэл Чехийн сургуулийн мэргэжлийн хяналтын газартай холбоо барих боломжтой.

PDF татах

 

Сэдвийн жагсаалт